Thursday, January 2, 2014
பாஜகவின் கூட்டணியில் வைகோ, ராமதாஸ்,விஜயகாந்த், ரங்கசாமி, ஈஸ்வரன், பச்சமுத்து!!
வைகோ (மதிமுக )
காங்கிரஸ் கட்சியை வீழ்த்த பாரதிய ஜனதா கட்சி தலைமையிலான கூட்டணியில் மதிமுக இடம்பெறும் என்று அக்கட்சிப் பொதுச்செயலாளர் வைகோ அறிவித்துள்ளார்.
பாமக:
பாட்டாளி மக்கள் கட்சியின் இளைஞர் அணித் தலைவர் அன்புமணி ராமதாஸும் பாஜக தலைவர் ராஜ்நாத்தை டெல்லியில் அண்மையில் சந்தித்து பேசினார். இதனையடுத்து பாமகவும் பாஜக அணியில் இணைவது உறுதியாகி இருக்கிறது.
பச்சமுத்து, ஈஸ்வரன் :
ஏற்கெனவே பாரதிய ஜனதா அணியில் இணைந்துவிட்டதாக இந்திய ஜனநாயகக் கட்சியின் பச்சமுத்து அறிவித்திருக்கிறார். இந்த பட்டியலில் ஈஸ்வரன் தலைமையிலான கொங்குநாடு மக்கள் தேசியக் கட்சியும் இணைய இருக்கிறது.
புதுவை ரங்கசாமி :
புதுச்சேரி முதல்வர் ரங்கசாமியின் என்.ஆர். காங்கிரஸும் பாஜக அணியில் இணையக் கூடும் என்று தெரிகிறது. கடந்த சில வாரங்களுக்கு முன்பு பாஜக ஆதரவில் நடைபெற்ற வல்லபாய் படேலின் பிறந்த நாள் விழாவில் என்.ஆர். காங்கிரஸ் பிரமுகர்கள் கலந்து கொண்ட போதே இது உறுதியாக தெரிய வந்தது.
பா.ஜ., கூட்டணியில் மதிமுக இடம்பெறும்: வைகோ
பா.ஜ., கூட்டணியில், மதிமுக இடம்பெறும் என மதிமுக பொதுச் செயலாளர் வைகோ திட்டவட்டமாக தெரிவித்துள்ளார். சென்னையில் இன்று செய்தியாளர்களை சந்தித்த வைகோ இதனை தெரிவித்துள்ளார். பா.ஜ., கூட்டணியில் முதல் வரவாக, தமிழகத்தில் இருந்து மதிமுக இணைய உள்ளது குறிப்பிடத்தக்கது.
லோக்சபா தேர்தல் கூட்டணி குறித்தும், கூட்டணி அமைப்பதற்கான காரணம் குறித்தும் செய்தியாளர்கள் சந்திப்பில் வைகோ விளக்கம் அளித்தார். செய்தியாளர்களிடம் அவர் பேசியதாவது : காங்கிரசை ஆட்சியை விட்டு அகற்ற வேண்டும் என்பது தான் எங்களின் ஒரே நோக்கம். அதை நிறைவேற்ற, சக்தி வாய்ந்த, பா.ஜ.,வுடன் கூட்டணி வைக்க முடிவு செய்துள்ளோம். காங்கிரசை தோற்கடிப்பதற்காக அதற்கு மாற்று சக்தியாக விளங்கும் பா.ஜ.,வுடன் கூட்டணி வைக்க முடிவு செய்துள்ளோம்; கூட்டணிக்கான பூர்வாங்க பேச்சு நடைபெற்று வருகிறது; பிப்ரவரி 04ம் தேதி நடைபெறம் கட்சியின் பொதுக் குழுவில் கூட்டணி குறித்த இறுதி முடிவு எடுக்கப்பட்டு, அறிவிக்கப்படும்.
நாடு முழுவதும் மோடி அலை வீசுவது உண்மை; வரும் லோக்சபா தேர்தலில் காங்கிரசை தோல்வியுறச் செய்து பா.ஜ., தலைமையிலான ஆட்சி மத்தியில் அமையும்; மோடி நிச்சயம் பிரதமராவார்; லோக்சபா தேர்தலில் மதிமுக போட்டியிடும் தொகுதிகள் குறித்தும், எந்தெந்த தொகுதிகளில் மதிமுக போட்டியிட்டால் உசிதமாக இருக்கும் என்பது குறித்தும் ஆய்வு செய்வதற்காக ஒரு குழுவை அமைத்துள்ளோம்; மதிமுக.,வின் தேர்தல் அறிக்கையை தயார் செய்வதற்காகவும் 4 பேர் கொண்ட குழுவை அமைத்துள்ளோம்; வரும் லோக்சபா தேர்தலில் மதிமுக வெற்றி பெற்று தமிழக மக்களின் வாழ்வாதரத்தை பேணும் விதமாகவும், ஈழ தமிழர்களின் உரிமைகளை மீட்டெடுக்கும் விதமாகவும் பிரதிநிதித்துவத்தை பெற வேண்டும் என விரும்புகிறேன்.
சமீபத்தில் மக்களின் கருத்துக்களை அறிவதற்காக நான் மேற்கொண்ட பயணத்தின் போது கிராமங்களில் மக்களிடம் நல்லதொரு வரவேற்பு இருந்தது; மக்களின் கவனம் மதிமுக.,வின் பக்கம் திரும்பி உள்ளது; மக்களின் இந்த வரவேற்பு நம்பிக்கை அளிப்பதாக இருந்தது; தேர்தல் பணிக்காக பொருளாளர்கள் நியமிக்கப்பட்டு கடந்த 3 முதல் 4 மாதங்களாக தேர்தல் பணிகள் நடைபெற்று வருகிறது; ஜனநாயகத்தை நிலைநாட்டுவதற்காகவும், ஊழலற்ற அரசியலை ஏற்படுத்துவதற்காகவும் உறுதி பூண்டுள்ளோம்; சுயமரியாதை கருதி சட்டமன்ற தேர்தலில் அதிமுக கூட்டணியில் இருந்து விலகி, தேர்தலில் போட்டியிடாமல் புறக்கணித்தோம்; கொள்கைக்கு புறம்பாக மீண்டும் அத்தகையதொரு உடன்பாடு ஏற்பட வேண்டும் என நானோ எனது கட்சி தொண்டர்களோ ஒரு போதும் விரும்பவில்லை. இவ்வாறு வைகோ தெரிவித்துள்ளார்.
இலங்கையில் இதுவரை இந்தியாவால் கட்டப்பட்ட பத்தாயிரம் வீடுகள்
மட்டக்களப்பு மாவட்டத்திலுள்ள 9 உள்ளூராட்சி மன்றங்களுக்கு வட்டார முறையின் கீழ் தேர்தல்:-
சிரிய வேதி ஆயுத ஏற்றியிறக்கலுக்கான பாதுகாப்பு
36 பந்துகளில் சதம் அடித்தார் கொரே அண்டர்சன்
ஷூமேக்கர் உடல் நிலையில் சிறிது முன்னேற்றம்
கண்டி மாவட்டத்தில் மசூதி மீது தாக்குதல்
போரினால் பாதிக்கப்பட்டவர்களை சந்தித்தார் ராதிகா சிற்சபேசன்
இலங்கைக்கு சுற்றுலா விசாவில் வந்துள்ள தமிழரான கனடா நாடாளுமன்ற உறுப்பினர் ராதிகா சிற்சபேசன் வடக்கே பலதரப்பினரை சந்தித்து பேசியுள்ளார்.
போரினால் பாதிக்கப்பட்டவர்கள், காணாமல் போயுள்ளோரின் குடும்பங்கள் உட்பட பலரை சந்தித்துள்ள அவர், அம்மக்களின் பிரச்சினைகள் கனடா அரசு மற்றும் இதர சர்வதேச சமூகத்தின் பார்வைக்கு கொண்டு செல்வதாக உறுதியளித்தார் என்று அவரை சந்தித்தவர்கள் கூறுகிறார்கள்.
மன்னார்ப் பகுதியில் காணாமல் போனவர்களின் பெற்றோர்களை ராதிகா சந்தித்து பேசவும் தாங்கள் ஏற்பாடுகளை செய்து கொடுத்ததாக கூறினார் மன்னார் மாவட்ட பிரஜைகள் குழுவின் தலைவர் பங்குத் தந்தை இமானுவேல் ஜெபமாலை.
இலங்கையில் யுத்தம் முடிந்து பல ஆண்டுகளாகியும் இன்னும் எந்தத் தீர்வும் கிட்டவில்லை, உள்நாட்டில் தீர்வு கிடைக்கும் என்று எதிர்பாக்க முடியாது என அவரிடம் தாங்கள் தெரிவித்ததாகவும் ஜெபமாலை கூறினார்.
"அழுத்தம் தொடரும்"
ராதிகா சிற்சபேசன் போன்றோர் இலங்கையிலுள்ள பிரச்சினைகளை சர்வதேச சமூகத்துக்கு கொண்டு சென்று அதன் மூலம் இலங்கை அரசுக்கு அழுத்தம் கொடுக்க வேண்டும் என தாங்கள் கோரியதாகவும் அவர் மேலும் கூறினார்.
கனடா கடந்த ஆண்டு இலங்கையில் நடைபெற்ற காமன்வெல்த் கூட்டம் தொடர்பில் எடுத்த நிலைப்பாட்டுக்கு தங்களைப் போன்றோர் கொடுத்த அழுத்தமும் ஒரு காரணம் என ராதிகா கூறியதாகவும் பங்குத் தந்தை ஜெபமாலை தெரிவித்தார்.
தான் கனடாவுக்குத் திரும்பிச் சென்ற பிறகு அங்குள்ள அரசுக்கு மீண்டும் இலங்கை விஷயம் குறித்து அழுத்தம் கொடுப்பதாக உறுதியளித்துள்ளார் என்றும் அவர் கூறினார்.
தமிழ்த் தேசியக் கூட்டமைப்பின் நாடாளுமன்ற உறுப்பினர் சிறீதரன் அவர்களே ராதிகா சிற்சபேசனை மன்னார் பகுதிக்கு அழைத்து வந்தார் எனக் கூறும் ஜெபமாலை அவர்கள், அவரது பயணத்தின்போது பாதுகாப்புத் தரப்பிலிருந்து எந்த கண்காணிப்போ அல்லது இடைஞ்சல்களோ ஏற்படவில்லை என்றும் பங்குத் தந்தை ஜெபமாலை கூறினார்.
இதனிடையே இலங்கை வந்திருக்கும் ராதிகா சிற்சபேசனை இலங்கை காவல்துறையினர் கண்காணிப்பதாகவும், அச்சுறுத்தும் வகையில் நடந்துகொள்வதாகவும், அவரை கைது செய்ய முயல்வதாகவும் ஊடகங்களில் வெளியான செய்திகளை காவல்துறையினர் மறுத்துள்ளனர்.
ராதிகாவை தாங்கள் கண்காணிக்கவோ, கைதுசெய்யவோ, அச்சுறுத்தும் வகையில் நடத்தவோ இல்லை என்றும், அவரது நடமாட்டங்கள் எவையும் கட்டுப்படுத்தப்படவும் இல்லை என்றும் காவல்துறையின் பேச்சாளர் அஜித் ரோஹன தெரிவித்தார்.
அதேபோன்று அவருக்கு எந்த பாதுகாப்பையும் தாங்கள் வழங்கவில்லை என்றும் அஜித் ரோஹன கூறினார்.
பேச்சுவார்த்தைகளுக்கு செல்கின்றனர் தெற்கு சூடான் கிளர்ச்சியாளர்கள்
சீனாவில் குழந்தைகளைத் திருடி விற்ற மருத்துவர் கைது
ஐரோப்பாவில் ருமேனியர்களுக்கும் பல்கேரியர்களுக்கும் தடை நீங்குகிறது
"இளைஞர்களுக்கு விவசாயத்தில் நம்பிக்கையூட்டியவர் நம்மாழ்வார்"
"தேவயானிக்கு எதிரான வழக்கு வாபஸ் பெறப்படாது "
சென்னைக் கூட்டம் : இலங்கை மீனவர்களுக்குத் தெரியுமா ?
இலங்கையில் பெரும்பாலான மீனவர்கள் சென்னையில் நடைபெறவுள்ள பேச்சுவார்த்தைகள் குறித்து அறிந்திருக்கவில்லை என்று அங்கு அண்மையில் சென்று திரும்பிய தமிழக மீனவர்கள் அமைப்பின் பிரதிநிதி ஒருவர் கூறுகிறார்.
கடந்த பல நாட்களாக இலங்கைச் சிறைகளில் உள்ள இந்திய மீனவர்களை சந்திப்பதற்காகவும், அவர்களது விடுதலை குறித்து விவாதிப்பதற்காகவும் இலங்கை சென்று வந்த நிரபராதி மீனவர்கள் விடுதலைக்கான கூட்டமைப்பின் தலைவர் அருளானந்தம் தெரிவித்தார்.
இருநாட்டு மீனவர்களும் எதிர்வரும் ஜனவரி மாதம் 20 ஆம் தேதி சென்னையில் சந்தித்துப் பேசுவார்கள் என்று இந்திய வெளியுறவுத்துறை அமைச்சர் சல்மான் குர்ஷிதை சந்தித்த பிறகு இந்திய தேசிய மீனவர் பேரவையின் தலைவர் இளங்கோ இக்கூட்டம் குறித்த தகவல்களை கடந்த வாரம் தெரிவித்திருந்தார்.
எனினும் இது குறித்த செய்திகள் இலங்கை ஊடகங்களில் வெளியாகியிருந்தன என்றாலும், அரச தரப்பில் தமக்கு சென்னைக் கூட்டம் குறித்து எந்தத் தகவலும் இதுவரை கூறப்படவில்லை என்று இலங்கை மீனவர்கள் தம்மிடம் தெரிவித்ததாகவும் அருளானந்தம் கூறுகிறார்.
படகுகளை விடுவிப்பதில் சிக்கல்
இதேவேளை இருநாட்டு சிறைகளிலும் உள்ள மீனவர்கள் உளரீதியாக மிகவும் பாதிக்கப்பட்டுள்ளார்கள் எனவும், உணவுப் பிரச்சினையால் சிரம்மப்படுகிறார்கள் எனவும் அவர் மேலும் தெரிவித்தார்.
இலங்கைச் சிறைகளிலுள்ள மீனவர்களை விடுவிப்பதற்கான முயற்சிகள் மேற்கொள்ளப்பட்டு வருகிறது எனவும், பிடிக்கப்பட்ட படகுகளை மீட்பதில் சிக்கல் நிலவுகிறது என்றும் அவர் கூறினார்.
பிடிபட்ட படகுகளின் உரிமையாளர்கள் தகுந்த ஆவணங்களுடன் நீதிமன்றத்தில் நேரில் ஆஜராகி விளக்கமளித்தால் மட்டுமே, படகுகளை விடுவிப்பது தொடர்பிலான வழக்கு அடுத்த கட்டத்துக்கு நகரும் என இலங்கையில் வழக்குகள் நடைபெறும் நீதிமன்றங்கள் தெளிவாகக் கூறிவிட்டன எனவும் அருளானந்தம் சுட்டிக்காட்டினார்.
சென்னையில் நடைபெறவுள்ள கூட்டத்துக்கு இதுவரை தமது தரப்புக்கு எந்த அழைப்பும் விடுக்கப்படவில்லை என நிரபராதி மீனவர்கள் விடுதலைக்கான கூட்டமைப்பின் தலைவர் கூறினார்.
டில்லியில் இலவச நீர் விநியோகம் வெற்றி பெறுமா?
டில்லிவாழ் மக்களுக்கு நாளொன்றுக்கு 700 லிட்டர் நீர் இலவசமாக வழங்கப்படும் என முதல்வர் அறிவித்துள்ளது சாத்தியமா என்று கேள்விகள் எழுந்துள்ளன.
அங்கு சிறுபான்மை அரசுக்கு தலமையேற்றுள்ள அரவிந்த் கேஜரிவால், முதல்வராக பொறுப்பேற்ற பிறகு அறிவித்த முதல் கொள்கை முடிவில் டில்லி மக்களுக்கு இலவசமாக நீர் வழங்கும் திட்டத்தை அறிவித்தார்.
ஆனால் டில்லியில் நீராதாரங்கள் பெரிய அளவில் இல்லாத சூழலில் இந்தத் திட்டத்தை தொடர்ந்து வெற்றிகரமாக நடத்த முடியுமா என்பது தொடர்பில் ஐயப்பாடுகள் எழுந்துள்ளன.
இந்தத் திட்டத்தின் வெற்றி அண்டை மாநிலங்களின் ஆதரவை நம்பியே உள்ளது என்று கூறினார் சென்னையிலுள்ள எம் எஸ் சுவாமிநாதன் ஆய்வு மையத்தின் நீரியில்துறையின் முதன்மை விஞ்ஞானி டாக்டர் பரசுராமன்.
இலவசமாக இந்த அளவுக்கு நீரை வழங்குவதைவிட, குறைந்த செலவில் குடிநீர் வழங்கும் திட்டமொன்றை அறிவித்திருந்தால் அது வெற்றிபெறக் கூடிய சாத்தியக்கூறுகள் அதிகம் இருந்திருக்கும் எனவும் அவர் கூறினார்.
அதேவேளை நாளொன்றுக்கு 700 லிட்டர் நீர் இலவசமாக கொடுக்கப்படும்போது, அது கழிவு நீர் மேம்பாடு உட்பட பல உள்கட்டுமான வசதிகள் மீது பெரும் அழுத்தத்தை ஏற்படுத்தும் எனவும் டாக்டர்.பரசுராமன் வாதிடுகிறார்.
கழிவுநீர் மறுசுழற்ச்சி செய்யப்படுமா என்பது போன்ற விஷயங்கள் தெளிவில்லாமல் உள்ளது எனவும் அவர் கூறினார்.
அண்மையில் நடைபெற்றத் தேர்தலில் முதல் முறையாக போட்டியிட்டு 28 இடங்களை வென்ற ஆம் ஆத்மி கட்சி, காங்கிரஸ் கட்சியின் ஆதரவுடன் ஆட்சியை அமைத்துள்ளது.
Subscribe to:
Posts (Atom)