உகண்டா இலங்கையிடம் இராணுவ பயிற்சி பெற்றுக் கொள்ள உள்ளது:-

உகண்டா, இலங்கையிடம் இராணுவப் பயிற்சி பெற்றுக்கொள்ள உள்ளதாகத் தெரிவிக்கப்படுகிறது. உகண்டா இராணுவம், இலங்கை இராணுவத்திடம் பயிற்சி பெற்றுக்கொள்ள உள்ளதாகக் குறிப்பிடப்படுகிறது. உகண்டாவின் பாதுகாப்பு அமைச்சர் ஜெனரல் ஒடங்கோ ஜேஜே உள்ளிட்ட பிரதிநிதிகள் இலங்கைக்கு விஜயம் செய்துள்ளனர். உகண்டா பாதுகாப்பு அமைச்சர், இலங்கை இராணுவத் தளபதி லெப்டினன் ஜெனரல் தயா ரட்னாயக்கவை இராணுவத் தலைமையகத்தில் சந்தித்துள்ளார். யுத்த கள அனுபவங்களை பகிர்ந்து கொள்ளத் தயார் என தயா ரட்நாயக்க தெரிவித்துள்ளார். இலங்கையில் நடைபெறும் பாதுகாப்பு கருத்தரங்குகள், செயலமர்வுகளில் பங்கேற்குமாறும் கோரிக்கை விடுத்துள்ளார். இரு தரப்பு இராணுவ விவகாரங்கள் தொடர்பிலும் இந்த சந்திப்பின் போது கலந்தாலோசிக்கப்பட்டுள்ளது. இலங்கையுடன் சிறந்த உறவுகளை பேண விரும்புவதாக உகண்டா பாதுகாப்புச் செயலாளர் தெரிவித்துள்ளார்.