15 வயது சிறுமியைத் திருமணம் செய்த பள்ளி ஆசிரியர் கைது

தருமபுரி மாவட்டம், சின்னம்பள்ளியில் உள்ள அரசுப் பள்ளியில் ஆசிரியராகப் பணியாற்றிய ஆறுமுகம் (37). ஏற்க்கனவே திருமணமான இவர், அதே பள்ளியில் 10-ஆம் வகுப்பு பயிலும் 15 வயது சிறுமியை இரண்டாவதாக திருமணம் செய்து கொண்டார். இதுகுறித்த புகாரின் பேரில், மாவட்டக் கல்வித் துறை சார்பில் விசாரனை நடத்தப்பட்டது. பின்னர், அரூர் அருகே உள்ள கே.வேட்ரம்பட்டி அரசுப் பள்ளிக்கு ஆறுமுகம் பணியிட மாற்றம் செய்யப்பட்டார். இந்தச் சம்பவம் குறித்து வழக்குப் பதிந்து விசாரனை நடத்திய போலீஸார், திருமண வயதை எட்டாத சிறுமியை திருமணம் செய்ததாக தொடரப்பட்ட வழக்கில் ஆறுமுகத்தைக் கைது செய்துள்ளனர்.